இமாம் ஆயத்துல்லாஹ் அலி கொமெய்னியின் மறைவுக்கு ஈரான் தூதரகத்திற்கு ஆதம்பாவா எம்.பி.நேரடியாகச் சென்று அனுதாபம் தெரிவிப்பு

(எம்.எஸ்.எம்.ஸாகிர்)

ஈரான் இஸ்லாமிய குடியரசின் ஆன்மீகத் தலைவர் இமாம் ஆயத்துல்லாஹ் அலி கொமெய்னி அவர்களின் மறைவுக்கு இரங்கல் தெரிவிக்கும் முகமாக கொழும்பில் உள்ள இலங்கைக்கான ஈரானியத் தூதுவரின் உத்தியோகபூர்வ வாசஸ்தலத்தில் வைக்கப்பட்டுள்ள அனுதாபப்புத்தகத்தில் தேசிய மக்கள் சக்தியின் அம்பாறை மாவட்ட நாடாளுமன்ற உறுப்பினரும், அரசியல் பேரவை உறுப்பினரும் கரையோரப்பிரதேச ஒருங்கிணைப்புக்குழுத் தலைவருமான அபூபக்கர் ஆதம்பாவா (06) வெள்ளிக்கிழமை தமது அனுதாபத்தைப் பதிவிட்டதோடு, ஈரான் நாட்டுத் தூதுவர் கலாநிதி அலி ரசா டெல்கொஷ் உடன் தமது அனுதாபங்களையும் பகிர்ந்து கொண்டார்.